Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

do horšće ‹do rukow› so smjeć/wusmjeć [něchtó so do horšće ‹do rukow› směje/wusměje]
`so skradźu smjeć, wjeselić´ | `heimlich lachen, sich heimlich freuen´ sich ins Fäustchen lachen

Wörterbuchbelege

so do horšće smjeć (Radyserb, Hrona 48); so wusmjeć, so smjeć do horšće (NHS 1, 372)

přikłady z literatury

W minjenych dnjach [...] wopytowaše tajki "dźiwy činjacy dochtr" našu wokolinu, zo chcyše ludźom w jich ćělnych nuzach [...] k "pomocy" być, wězo za drohi pjenjez. [...] A tutón druhowěriwy překlepanc směje so skradźu do rukow, zo je pola katolskich Serbow tajkich nadešoł, kotřiž njewumru. (Katolski Posol 1918, EK) Wobhladajće sej Kětana, je stary komunist, dobry komunist, budu woni rjec a so do rukow smjeć, ale tón tež wjace sobu nječini. (Šołta, Statok 141)

wróćo